Delichon urbicum

Delichon urbicum andarina apegona
Estáu de caltenimientu
Esmolición menor (IUCN 3.1)
Clasificación científica
Reinu:	Animalia
Filu:	Chordata
Clas:	Aves
Orde:	Passeriformes
Familia:	Hirundinidae
Xéneru:	Delichon
Especie:	D. urbicum (Linnaeus, 1758)
Distribución
Sinonimia
Hirundo urbica Linnaeus, 1758 Delichon urbica Horsfield y Moore, 1854
Consultes
[editar datos en Wikidata]

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu. L'andarina apegona^[1] (Delichon urbicum) ye una especie d'ave paseriforme migratoria de la familia de les golondrines que cría na Eurasia templada y el norte d'África, y que pasa l'iviernu nel África subsaḥariana y Asia tropical. Aliméntase d'inseutos que prinda al vuelu y migra a climes onde heba bayura d'inseutos voladores. Tien les partes cimeres del cuerpu y la cabeza negres, col obispillu y les partes inferiores del cuerpu blancos. Alcuéntrase tantu nel campu como nos llugares habitaos polos humanos. Tien un aspeutu asemeyáu a les otres dos especies d'aviones del xéneru Delichon, que son reinales d'Asia oriental y meridional. Reconócense-y dos subespecies.^[2]

El so nome científicu fai referencia al usu que fai de les estructures humanes. Constrúi los sos niales de folla en forma de copa zarrada so les mesetes y bistechos de los edificios, xeneralmente en colonies, polo que dacuando puede causar problemes de suciedá debaxo de los niales.^[2]

La so amplia distribución y el gran tamañu de la so población porten que nun ta amenazáu d'estinción globalmente.^[3] Pocos depredadores pueden cazala, como lo fai'l ferlamicu (Falco subbuteo), anque como otres aves ta afeutada por parásitos internos y esternos, como pulgues y ácaros. La so proximidá a los humanos tiénenla fecho oxetu de delles referencies lliteraries y culturales.^[2][4][5][6]

1. ↑ URL de la referencia: http://www.sabencia.net/nomenclator.php.
2. ↑ ^{2,0 2,1 2,2} Error de cita: La etiqueta <ref> nun ye válida; nun se conseñó testu pa les referencies nomaes Turner
3. ↑ Error de cita: La etiqueta <ref> nun ye válida; nun se conseñó testu pa les referencies nomaes BirdLife
4. ↑ Error de cita: La etiqueta <ref> nun ye válida; nun se conseñó testu pa les referencies nomaes Cooper92
5. ↑ Error de cita: La etiqueta <ref> nun ye válida; nun se conseñó testu pa les referencies nomaes Cocker
6. ↑ Error de cita: La etiqueta <ref> nun ye válida; nun se conseñó testu pa les referencies nomaes martlet